Mugikortasun behartua eta kulturartekotasuna

Giza mugikortasuna etengabe hazten ari den gure garaiko dinamika globala da. Gure ustez, ezinbestekoa da milioika pertsonaren joan-etorriek eragiten dituzten arrazoiak sakontzea, eta haien etxeak uztea eta bizitza arriskuan jartzea askotan, gatazkak, jazarpenak (generoa, besteak beste) eta ingurumen-kausak (lehorteak, suteak, uholdeak...) direla eta.

Begirada berezia
jarriko dugu mugikortasun behartuko emakumeen eta neskatoen errealitatean, indarkeriaz eta eskubide-urraketaz josia.
Alboan-ek kultura arteko gizarte inklusiboa eta harrera-gizartea eskubide-berdintasunean eraikitzearen alde egiten du.

Atal honetan giza mugikortasunaren, kulturartekotasunaren eta giza eskubideen gaia lantzeko eta integratzeko baliabideak eta proposamenak aurkituko dituzue. Alboan-ek aholkularitza ematen dizue ikastetxeetan giza mugikortasunari eta kulturartekotasunari heltzera bideratutako hezkuntza-programazioa martxan jartzeko.

Gainera, ikastaro honetan hauek izango ditugu:

Irakasleentzako online prestakuntza-zikloa.

Gure herria, harrera-herria. Migrazioei buruzko narratiba positiboak garatzeko prestakuntza-kita.

      5 saio on line, urrian, gaztelaniaz edo euskaraz, aukeran. Ordutegia: 17:00etatik 18:30etara

1. Giza Eskubideen urraketen ikuspegi orokorra, jatorrizko eta igarotze-testuinguruetan. Hizlaria: Zehar. (asteartea, 2024ko urriaren 17a)
2. Emakume migratzaileak mugen gurutzaketan (Latinoamerika). Hizlariak: Latinoamerika - Karibe Errefuxiatuentzako Jesuiten Zerbitzua (JRS-LAC). (osteguna, 2024ko urriaren 17a)
3. EUROPA, harrera-lekua?  Migrazio-ituna, atzerritartasunari buruzko legea. Errefuxiatuen TESTIGANTZAK. Hizlaria: Ellacuria Fundazioa. (asteartea, 2024ko urriaren 22a)
4. Eskola-testuinguruan, migratzaileak harrera egitekopraktika onak. Hizlaria: Alboan. (osteguna, 2024ko urriaren 24a)
5. Giza mugikortasuna eta ikasgelako harrera lanketa Alboanen proposamenarekin. Hizlaria: Alboan.  (asteartea, 2024ko urriaren 29a).

Ihesa: ikastetxeentzako bizipen esperientzia. Etxetik alde egin behar duten pertsonak nola sentitzen diren jakiteko bidaia.

DBHko 2. mailako ikasleentzat, baina baita Euskadiko eta Nafarroako irakasleentzat ere, 3 fasetan

  1. Bidaia prestatzen ari gara. Aldez aurreko lana ikasgelan irakasleekin. Garatu beharreko jardueren gida eskainiko da.
  2. Jarduera ikastetxean egitea, Alboan begiralearekin batera.
  3. Helmuga: Ikasgelan, irakasleekin batera, ikaskuntzei eta inplikazio-proposamenei buruzko hausnarketa egitea.

  2025eko urtarriletik apirilera (izena eman ondoren).

EUROPAKO T4CHANGE PROIEKTUA

Europako errefuxiatuentzako Jesuiten Zerbitzuak (JRS EU) koordinatua eta Europako zortzi herrialdetan ezarria (Belgika, Grezia, Kroazia, Hungaria, Italia, Portugal, Serbia eta Espainia). Proiektuaren helburua da nerabeak eta gazteak ohartaraztea errefuxiatuek gizarteari egiten dioten ekarpen positiboaz, eta beren eskola eta komunitateetan aldaketa bat sustatzeko jardutera animatzea. 12 eta 18 urte bitarteko gazteentzat.

Ezagutu T4Change

Giza mugikortasunari eta kulturartekotasunari buruzko hezkuntza-baliabide ugari ditugu gure katalogoan.

Proposamenei buruzko informazio gehiago behar baduzu, jarri harremanetan Alboanen hezkuntzako talde teknikoarekin: educacion@alboan.org.