HEZKIDETZA
Autodiagnosiak egiteko onlineko tresna.
Patioan sortzen diren harremanak nolakoak diren pentsatzen gelditu al zara? Eta zeintzuk dira testuliburuetan erreferente gisa agertzen diren pertsonak? Agian ipuinetako protagonistengatik galdetuko diozu zeure buruari. Edo, aztertu duzu nork parte hartzen duen gehiago egunean zehar klaustroko beste pertsona batzuekin egiten dituzun bileretan, edo nork altxatzen duen eskua zure gelan bere iritzia emateko...
Tresna honekin, datu horiek guztiak eta askoz gehiago aztertu ahal izango dituzu, eta zure ikastetxea hezkidetzan zein egoeratan dagoen jakin ahal izango duzu. Online gune horretan, zure proiektua sortu ahal izango duzu eremu pribatu batean, eta hezkidetza-batzordearekin batera sartu ahal izango zara bertara, eta ikastetxearen dimentsioak aztertu ahal izango dituzue.
Gainera, Alboanen laguntzarekin kontatzen duzu prozesu honetan, eta edozein unetan eskatu ahal izango duzu gure laguntza. Zeren zain zaude hasteko?
Bizitzaren zaintzak erdigunean.
Zer dira zaintzak? Hausnartu al duzu bizitzaren jasangarriari buruz eta zaintzaren etikarekin duen harremanaz? Pentsatu al duzu nola egokitzen zaion gai hori bizi garen mundu globalari? Sakondu nahi baduzu, gehiago jakin nahi baduzu eta zure ikasleekin lan egiteko "zaintzak" ikasgelara eraman nahi badituzu, hona hemen bi proposamen:
"Zaintza lanak: abiapuntu eta ortzi-muga baten bila", EHUrekin eta Marina Sagastizabalek duen ikertzaile talde batekin egindako proposamena testuinguruan kokatzeko esparru teorikoa.
Zaintzei buruzko esparru teorikoa irakurri.
"Bizitzaren zaintzak erdigunean", material didaktiko bat, bi gidaz osatua (2 eta 12 urte bitartekoak eta 12 urtetik gorakoak), ikasgelan hezkuntza formaleko ikasleekin lan egiteko, haur-hezkuntzatik eta lehen hezkuntzatik DBHra, batxilergora eta heziketa-zikloetara.
Haur hezkuntzarako eta Lehen hezkuntzarako gida irakurri.
Hezkidetza materialen biltegia.
Zure gelan, eskolan eta baita zure hezkuntza-aisialdiko taldearekin ere bai Hezkidetza lantzeko baliabide gehiago aurkituko dituzu biltegi honetan. Pedagogia feministei buruz, proposamen didaktikoak, ipuinak, bideoak... hezkidetza lantzeko eta jarduerak prestatzeko materialak daude.
Gune honetan biltzen ari gara, halaber, Alboanen gai honekin lotuta sortu ditugun material guztiak, baita beste erakunde batzuenak ere. Adinaren, gaiaren edo baliabide motaren arabera, bilatu nahi dituzun dokumentu edo bideoen zerrenda aurkituko duzu, eta, horrela, zure ikasleekin lan egiteko behar duzuna aukera dezakezu.
Anima zaitez baliabide hau erabiltzera eta aurkitzen ez duzun materialik ezagutzen baduzu, educacion@alboan.org helbidera bidal diezagukezu, bertan sartzeko eta Edukalboan komunitatearekin partekatzeko.