Munduko Hiritarrok. Kulturartekotasuna. DBH 4. maila. Gure Parlamentua

DBHko laugarren mailan eraldaketa sozialerako partaidetza lantzeko beharraren ondorioz sortu da proiektua, material hauetan zehaztutako helburuak kontuan hartuta.

Proiektuko azken produktua ingurunea agerian jartzeko eta eraldatzeko ekintza izango da, teknologia berriek eskaintzen dituzten aukerak kontuan hartuta.

Proiektua egindakoan, ikasleek idatzia, adierazpena, jarrera edo eskaera bat edukiko dute, eta agerian jartzeko zer egin behar duten erabakiko dute. Gure proposamenaren arabera, gaur egun udaleko edo autonomia-erkidegoko gobernu irekian eskuragarri dauden web plataformak erabili beharko dituzte, egindako lana zabaltzeko eta eragin zuzena eduki ahal izateko.