Brigadak

Nolakoak dira ikasgelan aurkezten zaizkigun arazo nagusiak? Nola antola gaitezke konponbidea topatu ahal izateko denen parte-hartzea bultzatu nahi badugu? Nolako jarrerak dira beharrezkoak horretarako?

Ikasgela hobetzeko lan-brigadetan antolatzeko eskatuko zaie ikasleei. Horretarako, eztabaida bat egingo da, eta moderatzaile batek zuzenduko du. Haren funtzio nagusia ikasgelako arazo nagusien identifikazioan pertsona guztiei parte hartzera bultzatzea izango da. Hitz egiten ari den ikaskidea errespetatu beharko dute gainerako guztiek, eta dagokienean parte hartuko dute beren iritzia edo proposamena emateko. Detektatutako arazoen arabera, ikasgelan jardungo diren lan-taldeak antolatuko dira, eta arazo horiek bideratzen, erantzuten edo konpontzen saiatuko dira (adibidez: girotze-taldea, adiskidetze-taldea...)

Hileroko txandakatze-sistema ezarriko da taldeen artean. Taldeko bilerak egingo dituzte lortu dutenaren eta zailtasunen berri emateko, eta sortu diren proposamenei edo gatazkei erantzuteko.