Bizikidetza orekatuaren alde

Bururatzen al zaigu familiako egoeraren bat non eskubideak eta betebeharrak betetzen ez diren? Eta zergatik ez dira betetzen? Idatz genitzake poster zurian aholku batzuk berriro ere gerta ez dadin?

Eguneroko bizitzan, familiako eskubideak eta erantzukizunak betetzen ez diren egoera batean (seme-alabei entzuten ez dieten gurasoak, senide txikiagoak jo eta haietaz baliatzen diren senide zaharragoak…) pentsatzeko eskatuko zaie ikasleei, taldeka. Ondoren, aukeratutako egoera antzeztuko dute denen aurrean. Antzezpen bakoitzaren ondoren, alderdi hauek landuko dira:

• Zer ikusi duzue?

• Eguneroko bizitzan gertatzen den egoera da? Askotan gertatzen da?

• Norbaitek ez du errespetatu beste pertsona baten eskubidea? Nork?

• Norbaitek ez du bete bere erantzukizuna? Nork?

• Zein eskubide ez da errespetatu?

• Zer egin dezakegu hori berriro gertatu ez dadin?

 Zer gomendatuko zenuke?

 Zein dira gatazkak konpontzeko gure jarraibideak?

Azken galderako ideiak jasotakoan, horren posterra osatuko da. Posterra hutsik dago eta sormenaz bete behar da. Bide batez, erakusketan parte hartuko dute aktiboki.